U Sporting a fiancu à l'Università

Oghje à l'Università di Corsica, u Sporting Club di Bastia, raprisentatu da Jérome Negroni, direttore di u sviluppu, è Gilles Cioni, ghjucadore prufessiunale, hà prisentatu a maglia nova di a Squadra Universitaria di Corsica. Eranu presenti dinù i rispunsevuli di l'USC Corti, un club amicu turchinu, frà i quali Jacques Colombani u presidente. C'eranu dinù, di sicuru, i rapresentanti di l'Università è unepochi d'eletti. 

Gilles Cioni s'hè cusì ramintatu u so passatu à l'Università, postu ch'ellu hà ghjucatu ind'è sta squadra parechje volte. Oghje prufessiunale, hè l'esempiu vivu di a leia ch'ellu ci pò avè trà u Sport è i studii, ellu chì hà quantunque riesciutu à compie una licenza di storia à tempu à a so carriera di futbalore. 

U partenariatu impurtante trà u Sporting è l'Università hè più chè vivu, è si cuncretizeghja una volta di più incù sta rimessa di maglia in prisenza dinù di u nostru partinariu Oscaro.com !

 

 


Prisentazione di a maglia nova di a Squadra... par SportingClubBastia

Ricevete a lettera